ກອງປະຊຸມເຊື່ອມຊຶມແຈ້ງການ, ກົດໝາຍວ່າດ້ວຍລັດຖະກອນ

ລາຍລະອຽດ

ສ້າງຂື້ນເມື່ອ ວັນພຸດ, 17 ສິງຫາ 2022 02:22

ຂຽນໂດຍ ວອນແກ້ວ

ໃນຕອນເຊົ້າຂອງວັນທີ 16 ສິງຫາ 2022 ຢູ່ຫ້ອງປະຊຸມຄະນະໂຄສະນາອົບຮົມແຂວງໄຊສົມບູນໄດ້ຈັດກອງປະຊຸມເຊື່ອມຊຶມແຈ້ງການ, ກົດໝາຍວ່າດ້ວຍລັດຖະກອນ ຕາມການແນະນໍາຂອງກະຊວງພາຍໃນວ່າດ້ວຍ ການຈັດຕັ້ງປະຕິບັດ ກົດໝາຍພະນັກງານ-ລັດຖະກອນ ໂດຍການເປັນປະທານຂອງທ່ານ ຄົວຈັ້ງ ດຣາເຊັ້ງ ກໍາມະການພັກແຂວງ ຫົວໜ້າຄະນະໂຄສະນາອົບຮົມແຂວງ, ມີທ່ານ ຢ່າຊົ່ງວ່າ ຢົງມາ, ທ່ານ ຊົງ ໄຊຮົ່ວ ຮອງຫົວໜ້າຄະນະໂຄສະນາອົບຮົມແຂວງ. ພ້ອມດ້ວຍຫົວໜ້າຂະແໜງ, ຮອງຫົວໜ້າຂະແໜງ, ພະນັກງານຄະນະໂຄສະນາອົບຮົມແຂວງເຂົ້າຮ່ວມທັງໝົດ 14 ທ່ານ, ຍິງ 2 ທ່ານ. ຈາກນັ້ນ ທ່ານ ຄົວຈັ້ງ ດຣາເຊັ້ງ ໄດ້ຜ່ານກົດໝາຍວ່າດ້ວຍລັດຖະກອນ ແລະ ແຈ້ງການແນະນໍາຂອງກະຊວງພາຍໃນໃຫ້ຮັບຮູ້, ເຂົ້າໃຈກ່ຽວກັບເນື້ອໃນຂອງນິຕິກໍາດັ່ງກ່າວ ເພື່ອນໍາໄປໝູນໃຊ້ເຂົ້າໃນການຈັດຕັ້ງປະຕິບັດວຽກງານໃຫ້ມີປະສິດທິພາບສູງ.

----@@----

ຂຽນໂດຍ: ສິດນ້ອບ ນາມມີໄຊ

• < ຕໍ່ໄປ
• ຕໍ່ໄປ >